Politik konfidansyalite

• Kont ou: non, prenon, imel, modpas (chiffre — nou pa janm wè l an klè).
• Aprantisaj ou: kou ou enskri, leson ou fin gade, nòt quiz ak egzamen, sètifika.
• Teknik: adrès IP ak tip aparèy, pou sekirite kont lan ak pou konte sesyon aktif yo.
• Si w aplike pou vin pwofesè: telefòn, peyi, pyès idantite ak diplòm ou voye yo.

• Pou sove pwogrè w epi remèt ou kote w te kanpe a.
• Pou bay sètifika ki verifyab.
• Pou pwoteje kont ou (detekte koneksyon sispèk, limite pataj kont).
• Pou verifye idantite yon moun ki mande pou anseye.

Nou pa vann done w bay pèsonn. Nou pa fè piblisite ak yo.

Pyès idantite ak diplòm yon kandida pwofesè voye pa janm parèt sou sit piblik la. Yo estoke separeman epi se sèlman kandida a li menm ak administratè k ap revize dosye a ki ka louvri yo.

Done kont ou rete otan ou kenbe kont lan. Lè w efase kont ou, nou efase done pèsonèl yo. Sètifika ki deja bay yo rete verifyab, paske yon anplwayè dwe ka tcheke yo — men yo pa gen done sansib ladan yo.

• Wè kopi done nou genyen sou ou.
• Korije yon enfòmasyon ki pa kòrèk — ou ka fè sa dirèkteman nan Pwofil ou.
• Mande efase kont ou ak done w yo.
• Retire konsantman w pou nenpòt tretman ki opsyonèl.

Pou egzèse youn nan dwa sa yo, ekri nou sou paj kontak la.

Modpas yo chiffre ak bcrypt. Sesyon yo sèvi ak jeton ki woule regilyèman. Koneksyon an chiffre ak HTTPS. Nou limite konbe fwa yon moun ka eseye konekte pou anpeche atak.